Twandikire
  • Ahabanza
  • › abo turibo

Abo turibo

Umuryango w’Abahinzi n’Aborozi bo mu Rwanda, washinzwe mu 1992.

1992

Washinzwe kandi Wizerwa

Umuryango Wacu

Umuryango w’Abahinzi
n’Aborozi bo mu Rwanda.

IMBARAGA ni Umuryango w’Abahinzi n’Aborozi bo mu Rwanda ukora ibikorwa bigamije guteza imbere imibereho myiza n’ubukungu by’Abahinzi n’Aborozi barenga 27,300 bo mu turere 25 kuri 30 tugize u Rwanda.

Dukorana n’inzego za Leta, abafatanyabikorwa bo mu Rwanda n’abafatanyabikorwa mpuzamahanga, baharanira iterambere, haba mu gushyira mu bikorwa imishinga ku imishinga itandukanye, gutanga ubufasha mu kongerera ubumenyi n’ubushobozi abahinzi n’aborozi.

Intego Yacu

Intumbero, Icyerekezo n’Intego Ngenderwaho

Intego Yacu

Kongera ubunyamwuga bw’abahinzi n’aborozi binyuze mu kubongerera ubushobozi hagamijwe kuzamura umusaruro n’ubushobozi bwo guhangana ku isoko, no kurengera uburenganzira bwabo mu mibereho n’ubukungu binyuze mu kubakorera ubuvugizi.

Icyerekezo Cyacu

Kugira abahinzi n’aborozi b’abanyamwuga bagira uruhare mu iterambere ry’ubuhinzi n’ubworozi rirambye. Kongera ubunyamwuga bw’abahinzi n’aborozi binyuze mu kubongerera ubumenyi[h1] n’ubushobozi hagamijwe kuzamura umusaruro n’ubushobozi bwo guhangana ku isoko, no kurengera uburenganzira bwabo mu mibereho n’ubukungu binyuze mu kubakorera ubuvugizi.

Inshingano Zacu

Guharanira inyungu n’uburenganzira by’abahinzi n’Aborozi no kubafasha kurushaho kuba abanyamwuga, binyuze mu Kubongerera ubumenyi bityo umusaruro ukiyongera, ndetse no kubafasha kugira uruhare mu iterambere ry’ubuhinzi n’ubworozi.

Ibyo Duharanira

Indangagaciro Zacu

01

Kudaheza

Twita ku kuba abagore, urubyiruko n’abantu bafite ubumuga bagira ijambo ringana, bahagararirwa kandi bakagerwaho ku buryo bungana na gahunda na serivisi byacu.

02

Ubufatanye

Dushyira imbere ubufatanye no gufatira hamwe ibyemezo, no gukorera hamwe kw’abahinzi n’aborozi. Imbaraga zacu zishingiye ku kwiyemeza kw’abanyamuryango barenga 27,300, bahuriza hamwe imbaraga mu kurengera inyungu z’abahinzi n’aborozi, gufashanya no guteza imbere ubuhinzi n’ubworozi burambye bugamije inyungu rusange.

03

Guhanga Udushya

Dushyigikira ikoreshwa ry’uburyo bushya kandi bunoze bwo gukora ubuhinzi n’ubworozi, ubumenyi n’ikoranabuhanga biboneye, bigamije kongera umusaruro n’ubushobozi bw’abahinzi n’aborozi bwo guhangana ku isoko, no kubafasha guhuza n’impinduka n’ibikenewe mu buhinzi.

04

Iterambere Rirambye

Dushyigikira uburyo burambye bwo gukora ubuhinzi n’ubworozi burengera ibidukikije, bugateza imbere imicungire iboneye y’umutungo kamere, kandi bugafasha abahinzi n’aborozi kongera ubushobozi bwo guhangana n’impinduka, hagamijwe iterambere rirambye ry’ubuhinzi n’ubworozi.

05

Umuhinzi n’Umworozi ku Isonga

Dushyira abahinzi n’aborozi ku isonga muri gahunda, ibikorwa by’ubuvugizi n’ubufataye byacu, twibanda ku bikorwa bigamije kongera ubushobozi bwabo, kurengera inyungu zabo no guteza imbere imibereho yabo.

Urugendo Rwacu

Inzira y’imyaka irenga mirongo itatu y’impinduka

Dore ibyiciro by’ingenzi byaranze urugendo rw’imyaka irenga mirongo itatu rwa IMBARAGA.

Abanyamuryango
0 +
Uturere Tugerwamo
0 +
  • 1992

Ishingwa

Urugendo rwa IMBARAGA rwatangiye mu 1992, ishinzwe n’itsinda ry’abahinzi biyemeje gukorera hamwe, guteza imbere ubuhinzi, no kuzamura imibereho y’ababukora. Kuva ubwo, uru rugendo rwaranzwe n’ibikorwa bigamije gushyigikira abahinzi n’aborozi.
  • 2010

Ubufatanye na AFDI Lorraine

Mu 2010, AFDI Lorraine yatangiye gukorana na IMBARAGA mu Rwanda. Ubu bufatanye bwahagarariye guteza imbere imicungire y’ubuhinzi, gushishikariza ubuhinzi bubungabunga ibidukikije, korohereza abahinzi kubona isoko, no gukomeza imicungire y’imishinga.
  • 2014

Guhabwa ubuzima gatozi

Mu 2014, IMBARAGA yabonye ubuzima gatozi (legal personality), ibi bikaba ari icyiciro gikomeye mu gukomeza ibikorwa byayo no guhagararira inyungu z’abahinzi n’aborozi. Ibi byongereye ubushobozi bw’iyi nshamike n’uruhare rwayo mu guteza imbere ubuhinzi n’ubworozi.
  • 2021

Kwaguka binyuze mu mishinga y’ingenzi

Mu 2021, IMBARAGA yashyize mu bikorwa imishinga itandukanye, harimo E-Granary, PRISM, EVE, CODEPO, REALMS, na PPIMA, n’iyindi. Iyi mishinga yagaragariye mu guteza imbere umusaruro w’ubuhinzi n’ubworozi, guhagararira inyungu (advocacy), kubungabunga ibidukikije, no gucunga neza umutungo kamere.
  • 2025

Guteza imbere ubushobozi bwo kwihanganira ibibazo n’ubuhinzi burambye

Mu 2025, IMBARAGA yakomeje gushyira mu bikorwa gahunda n’imishinga y’ingenzi, harimo YEA-R, CLIMBIO, SUSTAIN-RW, na THRIVE. Izi gahunda zagambiriye guteza imbere akazi k’urubyiruko, guhangana n’imihindagurikire y’ibihe binyuze muri biogaze yo mu miryango, kuzamura imibereho, gukomeza ubushobozi bwo kwihanganira imihindagurikire y’ibihe, no gushishikariza ubuhinzi burambye.

Ibyibandwaho mu Bikorwa Byacu

Ibyo Dukora

Kuvugira Abahinzi no Guharanira Inyungu Zabo

Kuvugira abahinzi, kurengera inyungu zabo ku rwego rw’igihugu no ku rwego mpuzamahanga, no guharanira politiki z’ubuhinzi zirengera uburenganzira bwabo.

Umusaruro w’Ubuhinzi

Kongerera ubushobozi Abahinzi n’Aborozi, binyuze mu kubahugura, kubona inyongeramusaruro z’ubuhinzi, no guhuza abahinzi n’amasoko.

Imiyoborere myiza

Gushishikariza no gufasha abaturage kugira uruhare mu gutanga ibitekerezo, no kugira uruhare mu bikorwa bibareba no kubaka icyizere hagati y’abahinzi n’aborozi i n’inzego za leta.

Abagore n’Urubyiruko mu Buhinzi

Kongerera abagore n’urubyiruko ubushobozi binyuze mu mahugurwa, kwihangira imirimo, guteza imbere ubushobozi bwo kuyobora, no kubafasha kubona amahirwe atandukanye, kugira ngo barusheho kugira uruhare mu buhinzi burambye.

Ikirere n’Ibidukikije

Gushishikariza abahinzi gukoresha uburyo bw’ubuhinzi bufasha guhangana n’imihindagurikire y’ikirere, kongera umusaruro, no kurengera ibidukikije.

Gukurikirana no Gusuzuma Umusaruro w’Ibikorwa

Dukoresha uburyo bwo gukurikirana no gusuzuma ibikorwa, dushimangira kubazwa inshingano hagamijwe kuzamura uruhare rwacu mu guteza imbere abahinzi n’aborozi n’iterambere ry’ubuhinzi n’ubworozi muri rusange.

Menya bamwe mu bagize umuryango w’IMBARAGA.

Twandikire →